Berisha i ndërsen tatimet Top Medias

Tatimorët paralajmërojnë të tjera sulme ndaj Top Channel. Pranojnë se kanë shkelur ligjin. Kamerat dhe deputetët e Kuvendit i detyrojnë të zmbrapsen

Berisha i ndërsen tatimet Top Medias

Pas katër muajsh kontrollesh dhe presionesh, dje dështoi urdhër-sekuestro ndaj "Digitalb"


Tjetër sulm i tatimorëve ndaj "Top Medias". Pas kontrolleve të shumta në "Top Channel", Drejtoria e Përgjithshme e Tatimeve ka kërkuar të kontrollojë dje, brenda pak orësh dhe në mënyrë të
paligjshme, kompaninë e njohur mediatike, duke filluar një sulm
tjetër të paprecedent ndaj mediave në vend. Mëngjesin e së martës, një grup policësh tatimorë kanë hyrë në ambientet e kompanisë "Digitalb" për ta kontrolluar përsëri atë, jashtë çdo kuadri ligjor, pasi tatimorët kishin ushtruar më parë një kontroll tjetër, por në kundërshtim me ligjin, nuk nxorën për tri muaj asnjë relacion lidhur me të. Tatimorët nuk arritën të gjenin asnjë parregullsi gjatë kontrollit në fjalë. Dje, në mëngjes, policët tatimorë janë paraqitur në mjediset e "Digitalb", për t‘u rikthyer
përsëri pas më pak se dy orësh. Kësaj radhe, me forca më të shumta dhe të shoqëruar nga policia e rendit. Kontrolli i tyre i përsëritur është konsideruar i jashtëligjshëm nga drejtuesit e kompanisë "Digitalb". "Në këtë kontroll ka shkelje të përsëritura të ligjit. Ne i kemi paraqitur sot (djeshënimi i redaktorit) Kryeministrit
dhe ministrit të Financave ankesat tona për shkelje procedurash
dhe për këtë do të ngremë padi penale ndaj drejtorit të Tatimeve",
tha drejtori i "DigitAlb", Alban Jaho. Ai u ka bërë të qartë tatimorëve gatishmërinë për t‘u dhënë të gjithë dokumentacionin
e kërkuar, megjithëse u ishte dhënë atyre disa herë.
Nga ana tjetër, vetëm pak minuta më vonë, Ministria e Financave
kishte lajmëruar mediat se kompania "Digitalb" do të sekuestrohej.
Për afro një orë, forca të shumta tatimore kanë qëndruar
përballë zyrave të kësaj kompanie, në pritje të urdhrave të rinj. Tatimorët kanë komunikuar herë pas here në telefon me drejtuesit e tyre, derisa kanë hyrë brenda mjediseve të "Digitalb". Rruga midis kompanisë dhe godinës së Radio Televizionit Shqiptar, u bllokua nga forca të shumta të policisë së Rendit dhe grupe të gatshme, që po përgatisnin hyrjen me forcë në zyrat e "Digitalb", kompania që ka si klientë të saj mbi 350 mijë familje
shqiptare. Por prania e mediave të shumta dhe e deputetëve të
Parlamentit shqiptar ka ndërruar kursin e tatimorëve. Përballë
pranisë së deputetëve Spartak Ngjela, Pandeli Majko, Ben
Blushi, Petrit Vasili, Sokol Dervishi etj., njeriu që udhëhiqte grupin e
tatimorëve deklaroi se ishin të papërgatitur për kontrollin dhe se,
kërkonte vetëm dokumentacionin e kësaj kompanie të fotokopjuar, edhe pse prezenca e tij brenda ambienteve u pranua edhe nga vetë ai që ishte e jashtëligjshme. Përkundër pretendimeve të ministrit të Financave, Ridvan Bode, se kompania po bllokon punën e kontrollorëve, dokumentacioni i është vënë në
dispozicion grupit të tatimorëve nga drejtuesit e "Digitalb".

Zyrtarët shkelin ligjet: Na kanë urdhëruar të vijmë

Deputetë të Kuvendit shqiptar në mbrojtje të lirisë së medias

Drejtoria e Përgjithshme e Tatimeve
ka kërkuar të kontrollojë gjatë së
ditës së djeshme, brenda pak orësh,
në mënyrë të paligjshme kompaninë
"Top Media", duke nisur një sulm të paprecedent
ndaj mediave. Mëngjesin e së martës, një grup
tatimorësh kanë hyrë në ambientet e "Digitalb"
për të rikontrolluar këtë kompani jashtë çdo
kuadri ligjor, pasi tatimorët kishin kryer një kontroll
më parë, por në kundërshtim me ligjin nuk
kishin nxjerrë për tre muaj asnjë relacion lidhur
me të, pasi nuk kishin arritur të gjenin asnjë parregullsi.
Duke debatuar me përfaqësuesit e
Drejtorisë së Tatimeve, drejtori i "Digitalb", Alban
Jaho, është shprehur: "Ky është lajmërimi i
tretë që vjen brenda tre muajve. Në këtë seri kontrollesh
vihet re një parregullsi apo shkelje e
përsëritur. Mua më vjen keq që ju z. Latif jeni një
auditues i Ministrisë së Financave dhe ju e dini
shumë mirë që ju nuk duhet të jeni këtu. Ky është
një konflikt interesi dhe më vjen keq që ju keni
ardhur për së dyti në një nga kompanitë e ‘Top
Medias‘...
Procedurat janë të tilla, ka tre elemente kontrolli.
Ka mosnjohje të raporteve të kontrollit të
firmosura nga organet tatimore. Ka mosnjohje
të raporteve të kontrollit në dy vjet e gjysmë të
aktivitetit të "Digitalb"-it dy raporte kontrolli të
firmosura të dyja të mos njihen. Ka një program
kontrolli, i cili për mua është i paparë, nuk është
ky standardi që ju përdorni, sepse ne i njohim
standardet tuaja. Ka një ankesë tonën drejtuar
Drejtorisë së Përgjithshëm të Tatimeve që më 25
janar, e cila në bazë të ligjit duhej të na përgjigjej
brenda 30 ditëve, e cila nuk ka reaguar. Pra, ka
një raport kontrolli të miratuar nga organet tatimore
pa nxjerrë motiv vlerësimi tatimor, mirë apo
keq, organi tatimor është i detyruar ta pranojë.
Në këtë kuadër, ne i kemi paraqitur sot Kryeministrit,
ministrit të Financave, Bode dhe kryetarit
të degës tatimore ankesën tonë ligjore për shkelje
procedurash. Avokatët tanë do të hapin një
padi penale nesër ndaj drejtorit të Përgjithshëm
të Tatimeve, i cili ka lejuar që të përsëriten shkeljet
e ligjore, jo të iniciohen, por të përsëriten. Ka
një heshtje të tatimorëve me drejtorin e
Përgjithshëm prej tre muajsh. Unë ankohem, ai
është i detyruar të përgjigjet. Dhe pa u përgjigjur,
ai vazhdon të nxjerri lajmërime".
Vetëm pak minuta më vonë, Ministria e Financave
ka lajmëruar mediat e tjera, se kompania
"Digitalb" do të sekuestrohej. Përreth një orë,
forca të shumta tatimore kanë qëndruar përballë
zyrave të kësaj kompanie, në pritje të urdhrave
të reja. Rruga është bllokuar nga forca të shumta
të rendit dhe grupe të tjera të gatshme, të cilët
po përgatisnin futjen me forcë në zyrat e "Digitalb"
klientë të së cilës janë mbi 350 mijë familje
shqiptare.
Por, prania e mediave të shumta, si edhe e
deputetëve të parlamentit ka ndërruar kursin e
tatimorëve. Përballë pranisë së parlamentarëve
nga të gjitha krahët, njeriu që i udhëhiqte ata
deklaroi se ishin të papërgatitur për kontrollin
dhe se kërkonte vetëm dokumentacionin e kësaj
kompanie të fotokopjuar, edhe pse prania e tij
brenda ambienteve u pranua që ishte e jashtëligjshme.
Alban Jaho, drejtori i "Digitalb", deklaroi se "ju
kemi dërguar ankesa dhe nuk kemi marrë ende
përgjigje. Janë tre lajmërime kontrolli për tre
muaj. Kam një raport kontrolli të firmosur nga ju,
i cili nuk do të pranohet. Me ligj jeni të detyruar
që një raport kontrolli të firmosur nga organi tatimor
ta njihni. Ju nuk shpreheni akoma për atë,
lëshoni një tjetër lajmërim kontrolli në mars dhe
vazhdoni një lajmërim kontrolli dje, tani vazhdoni
dhe kërkoni fotokopje dokumentacioni.
Unë nuk e kuptoj se çfarë kuptimi ka kjo? Kanë
kaluar tre muaj e gjysmë, nuk keni shprehur një
vlerësim tatimor. Çfarë ndodh? Unë janë
ankimuar dy herë dhe po pres përgjigjen e tatimorëve,
pasi drejtori i Përgjithshëm i Tatimeve
nuk është përgjigjur fare. Sot kam bërë një tjetër
ankimim". Ndërkaq, deputeti i PD, Spartak Ngjela,
i drejtohet përfaqësuesit të auditimit të Ministrisë
së Financave, duke deklaruar se "urdhri i
paligjshëm nuk zbatohet se e mban ti
përgjegjësinë. Përderisa jam këtu, për diçka
kam ardhur. Mua më thanë se do të vinit sekuestro
dhe sekuestro është e paligjshme. Nuk paska
sekuestro. Unë mendoj se të gjithë konfliktet
që keni me njëri-tjetrin t‘i zgjidhni në gjykatë".
Përkundër pretendimeve të ministrit të Financave
se kompania po bllokon punën e kontrollorëve,
dokumentacioni i është vënë në dispozicion
grupit të tatimorëve nga drejtuesit e "Digitalb",
edhe pse në mënyrë arbitrare kanë ndërruar
motivin e kontrolleve të tyre, kontrolle të
cilat gjithnjë e më shumë po humbin karakterin
tatimor dhe po marrin karakter politik, nga një
qeveri, e cila si në vitet ‘92-‘97 i futet sërish një
beteje me mediat megjithëse e di se si do të përfundojë
ajo. Pas incidenteve në "Digitalb", inspektorët
e tatimeve janë paraqitur në zyrat e
"Top Channel", duke dorëzuar një kërkesë për
një tjetër kontroll edhe aty në një kohë kur kontrollet
e mëparshme nuk kishin rezultuar me
probleme.
Prej disa muajsh, "Top Media" është vënë në
shënjestër të Ministrisë së Financave dhe Drejtorisë
së Përgjithshme të Tatimeve, të cilat po
ushtrojnë kontrolle të njëpasnjëshme, në përpjekje
për të kapur shkelje dhe parregullsi, të
cilat deri tani nuk kanë mundur t‘i gjejnë.

Tatimorët, debate me shefin: Pse na merr në qafë

Ishte një moment që zgjati vetëm pak sekonda, por që tregoi qartë thelbin e kontrolleve që po ushtrohen nga tatimorët ndaj "Top Medias". Këtë e ka zbuluar krejt pa dashje pikërisht personi që udhëhiqte grupin e policëve tatimorë. Teksa e kuptoi se si auditues, prania e tij në mjediset e një kompanie private ishte e jashtëligjshme, ai u tërhoq në pak minuta nga kontrolli. Por kur po dilte nga zyra e drejtorit të "Digitalb", një nga kontrollorët, pa uniformë, por me kostum kadifeje, e pyeti: Po tani çdo të bëjmë? Vazhdoni procedurën, iu përgjigj ai, duke u munduar të fshehë hipokrizinë e përgjigjes që sapo dha. "Si, procedurën...",
tha ai që kishte pyetur, për të shprehur dufin me pak fjalë: "O
shef, po pse na merrni në qafë, sillini këtu ata që duhen, jo ne".